第二分鐘

此 blog 已完成它的任務, 會另覓新地方重新開始. 多謝.

到銀行辦點事後，跳上巴士，在九龍城舊機場落車，這一個帶點冷的下午，就來一次都市中的遊走．

由宋皇臺公園開始，向土瓜灣方向出發，沿著馬頭圍道行著，直到近土瓜灣”紅蘋果”街市，就轉走落山道到土瓜灣道，直至街尾又接上馬頭圍道，之後一路走到紅磡，在殯儀館旁的天橋上紅磡火車站，又經另一條橋落到尖東科學館，取道柯士甸道，又到彌敦道交界，彌敦道太熟悉了，選定上海街，走到太子，跳上巴士歸家，還不到三小時呢．

遊走得很痛快，很自由的感覺，馬路邊空氣差？香港人何懼之有，我們就是生活在這空氣之中！假日不一定要行山，在都市中亂走都不錯，走在都市中，你才會明白這是個什麼樣的都市，什麼樣的社會，土瓜灣有很多閒坐的老人，街市和旁邊的公園就是街坊的聚腳地，土瓜灣街市和紅磡街市的客群又不大相同，紅磡火車站的路人又比較年青，到尖東就覺路人衣著比較光鮮，柯士甸道一樣的多車，上海街除了有廚具用品，佛品香燭，五金工具外，還有很多涼茶舖．朗豪坊，始終格格不入．

香港就是這般可愛，在港島，基本上可以由堅尼地城向東行至筲箕灣，沿途絕不孤單，路人多，地舖多，在九龍，南至尖沙咀，東至官塘，西至荔枝角美孚，北到黃大仙九龍塘，都可盡情地連續行走，在遊走的數小時中，你可見到和感覺到城市的繁華和老去的兩面．

實實在在的雙腳走在街道上是很開心的，現在市建局不斷的進行破壞式重建，到處就是碉堡式的大型商場暨住宅高樓，綠化地帶在四樓以上，大樹不會再有生存空間，街道上是沒有行人，只有商場下的巴士站，一個連貫的城市被硬生生的破壞，那時會覺得很沒趣，再沒興趣去遊走．

有了阿嬌的一分鐘的回應，阿希的七分鐘的讀稿才有比較，但兩次記招的目的都是一樣，之前安排了一些工作，不可能無限期的閃避，除非你已不在人間，出來交待一下，才可繼績生活．

詳細內容暫且不提，但阿希表示自己不是年青人的好榜樣，卻是坦蕩蕩的，嬴得欣賞．天真及傻的那位，妳比人家可憐，妳的撰稿人確是低了兩班．至於退出娛樂圈與否，將來市場定會給予答案，你想留亦未必可以留．

網上無數討論區搞起投票，調查一眾網民接受阿希道歉與否，有接受當然也有不接受，一眾報紙亦認真地節錄轉載，你看了人家私房艷照，你還要考慮接受不接受人家的道歉，編輯們，這些爛鬼投票，有轉載的意義嗎？當東方日報大鬧肥佬黎送特刊吹噓色情時，它亦連日頭版加內頁刊登照片打格版，只可嘆自己早已將雜誌生意賣盤，手上只有兩份報紙，君不知你跟肥佬黎沒兩樣嗎？

各位演藝人，你地以後如果唱片唔賣得，唱 live 走音，大聲講粗口俾人聽到，俾狗仔隊影到你藐咀藐舌或同陌生人攬頭攬頸，無化粧嚇親街坊，開演唱會但未收身而影響觀眾視覺娛樂，（…下刪其他事件），都可以用以下的標準範文，非常精簡地用一分鐘向香港人發出感謝．

各位會考生，如果中文作文要作道歉文，就唔好參考呢篇範文，因為太短同含糊不清，會唔合格的．

轉自蘋果日報@香港，2008年2月 12日港聞版

鍾 欣 桐 發 言 全 文

今 次 呢 件 事 ， 對 我 同 埋 對 我 身 邊 人 ， 都 造 成 好 大 困 擾 ， 同 埋 … … 傷 害 啦 ， 我 承 認 ， 以 前 係 … … 係 好 天 真 同 埋 好 ， 但 係 家 已 經 長 大 喇 。 好 多 謝 公 司 、 多 謝 屋 企 人 同 埋 多 謝 朋 友 ， 對 我 眷 顧 啦 同 埋 支 持 ， 今 次 呢 件 事 對 於 社 會 大 眾 影 響 ， 我 都 深 感 抱 歉 。 未 來 日 子 面 ， 我 會 繼 續 努 力 工 作 啦 ， 同 埋 積 極 咁 樣 面 對 我 人 生 。 多 謝 傳 媒 關 心 ， 同 埋 要 多 謝 一 班 對 我 不 離 不 棄 歌 迷 。 多 謝 。

 ———-

Well，個 gag 好爛，嘩哈哈～

遇著奇冷的天氣，第一盤，年初一，只開得幾朵．到了今天，終於燦爛盛放．第二、三盤，幾時先開齊呢？

過訪拜年，少不了一份手信，兒時家裡收到的多數是曲奇餅和糖果，但時移世易，加上送禮和收禮人仕的年齡徐徐增長，現在收到的已經係大不同． Read the rest of this entry »

一年一次，非常高興，你肯來，我必定預備小利是一封，讓你拜拜，祝福家宅平安．亦不介意你敲鈸打鼓，嘈到拆天，始終一年一次，就黎無年青人會再在農曆新年玩呢樣野，亦都無咩大廈走廊俾到位置你舞，再講，保安唔俾，好快就成為香港的集體回憶．

但請你來年鍛鍊好身體，或預多一位後備成員，你舞獅頭拜完再托起獅頭的一下無甚力度，很剎風景的，雖然我明白你由廿幾樓洗樓到六樓，每層走勻兩個井．

沒有你的淫照，我們不知到：

－個人電腦保安是很重要的，唔洗咩高明的突破防火牆技術，簡簡單單插隻 flash drive，一個一個檔案咁抄．

－中華民族大團結，網上無國界；好多香港以外的男子慕名到香港網站參觀獵奇，但多人到爆晒上唔到，到最後香港人唯有去大陸網站搵相．

－有人試圖將執法權同釋法權包攬在一個執法機構身上，測試香港人的底線．

－政黨之中，只有社民連一個係有正常人思維，又有 guts 走出黎去警署示威，抗議一哥言論，其它政黨，BS．

－成件事一睇就知應該先搵你，再順藤摸瓜向下搵，但偏偏警方俾你遠走高飛，應該先扣起你部Mac做証物，以証明人地係你部機度抄相．BTW，部機係咪你架？

－你託經理人發佈的 video裡，你個頭髮唔夠亂，演技唔合格，寫台詞的更加肥佬．你叫大家銷毀照片檔案，你自己又會唔會身體力行先呢？

－仲有好野要多謝，寫唔晒，去睇下其他華人blog，睇到天黑都睇唔晒．

多左時間聽收音機，有幾首新歌．

衛蘭<雜技>
都幾好聽，但一聽就覺得好鬼黎明，望一望，果然係雷頌德作品．

鄧建泓<難分難解>
係無記被力捧，強勢回歸樂壇，以前覺得唱得okay，但呢首新歌，我覺得唱得有 d 勉強，聽到頭都側埋．

S.H.E.<7仔> <粵語版>
一首歌係咁唱 7仔7仔7仔7仔7仔．．．以為係 7-eleven的宣傳歌曲，把聲又好陌生，原來係星爺新戲 <長江七號>的電影主題曲廣東話版，由台灣的 S.H.E.主唱，咬字清楚播，有無機會聽下唱現場呢？BTW，聽得多係覺得好煩厭的，7仔7仔7仔7仔7仔7仔7仔7仔7仔．．．

美國減息0.75厘，香港大部份銀行跟隨減息，港元存款利率已迫近零，美國次按問題未完，美國何時再減息只是時間問題，香港無可避免地要跟隨，零存款利率的日子指日可待．係通脹時代要為銀行存款保值，只得離棄港元，但股市又太波動，咁人民幣存款就成為大熱選擇！

外幣有好多種，唯獨人民幣係不斷咁升值，有上無落，睇完網上的討論，最好的人民幣存款形式就係係大陸銀行 (唔係大陸銀行香港分行) 敘做人民幣定期存款，年息係全國統一，現在 3個月定期的年息率為 3.33% (無 1個月做的)，加上升值，保守地計 5%，比起港幣定期存款好好多啦！但大陸定期存款要俾利息稅 5%，即 RMB 10.0 利息要係到期日扣 RMB 0.5．牌面好吸引，實行又如何呢？

(1) 親身帶現金上去大陸辦手續，付出車費和時間，如果帶好多現金上去而被大陸海關發現，係要罰錢的，被人老笠？另計啦．同樣，第時點樣拎錢返香港都會遇著同樣問題．

(2) 搵香港銀行轉介國內分行，據聞 HSBC 有得搞，匯錢當然要俾手續費，但 HSBC 匯價唔靚，又係要計下數，本金太少唔化算．

(3) 同(2) 一樣，銀行就係招商銀行，此銀號有一產品 - 兩地一卡通，開左之後，就會有香港／大陸戶口各一，又有一張提款卡，可以用e-banking去轉數和管理，當然又同 (2)一樣計下數．P.S. 此行香港分行暫時只有一間．

(4) 最懶的方法，係香港各中小銀行做人民幣定期存款，點解唔係大銀行？電匯出入價差大同利率少 D D 囉！中小銀行多的是，上網夾下，再睇就腳就可以．當然懶就有代價，定期利息只有 0.5 - 0.83%，但同港幣定期 1.x% 都差不遠了，只可坐享人民幣升值，但方便在可做 1 個月定期，更俱彈性，無手續費/車錢要俾．

暫時我用方法(4)係大新銀行做人民幣定期，兩星期已升值補了電匯差價，封了蝕本門，非常唔錯．